Қазақстандық қорғаныс ведомствосында Әуе қорғанысы күштерін жаңғырту бойынша, әуе апаттары қаупін азайтатын, жоспар әзірленді. Бұл туралы ritmeurasia.org ақпарат агенттігі хабарлады.
Бұл жөнінде біздің республикамыздың Әуе қорғанысы күштерінің Бас қолбасшысы Нұрлан Орманбаев толығырақ мәлімдеді.
Әскери қызметкердің айтуынша, Қазақстанның Әуе қорғанысы күштерін жаңғырту бойынша әзірленген жоспар қазақстандық армияны жаңа және бәсекеге қабілетті ұшақтармен жарақтандыруды көздейді.
Бұл жоспарды әзірлеуге өткен бейсенбіде Қарағанды облысында МиГ-31 әскери ұшағының апатқа ұшырауы себеп болды. Болған әуе апатын тергеумен арнайы комиссия айналысуда.
Нұрлан Орманбаев айтқандай, әскери әуе кемесінің апатқа ұшырауының үш нұсқасы қарастырылуда. Бұл авиациялық техниканың істен шығуы, сыртқы факторлардың әсері, сондай-ақ адами фактор жоққа шығарылмайды.
Бұған дейін Қазақстанның Қорғаныс министрлігінде әскери ұшақтың апатқа ұшырауына байланысты Миг-31 әуе кемелерінің ұшуын уақытша тоқтата тұру туралы шешім қабылданғаны хабарланған.
