Алматыда шетелдік мемлекеттік нөмірі бар бірінші автокөлік тіркелді. Автокөлік иесі Республикамызға бауырлас ел – Ресей Федерациясынан әкелген көлігін тіркеді. Бұл туралы Алматы әкімшілік полициясының баспасөз қызметі хабарлады.
Автокөлікті алғашқы тіркеу “Саялы” шағын ауданында орналасқан № 1 арнайы халыққа қызмет көрсету орталығында жүзеге асырылды. Автокөлігін тыркегег 37 жасар алматылық Владимир Баев. Ол Renault маркалы көлігін уақытша есепке қойды.
Оның айтуынша, тіркеу рәсімі тек 20-30 минутты ғана алды. Енді ол автокөлігін Қазақстан Республикасында толығымен тіркеу үшін биыл қайта өңдеу төлемін төлеуді жоспарлап отыр.
1 ақпаннан бастап барлық Алматы халыққа қызмет көрсету орталықтарында шетелдік нөмірі бар көліктерді тіркеу мәселелері бойынша азаматтарды қабылдау жүргізіледі. Әр тілек білдіруші өз көлігін есепке қою үшін қандай құжат қажет екендігі туралы ақпарат ала алады.
Бұдан бұрын Қазақстан ІІМ басшысының орынбасары Марат Қожаев министрлік Еуразиялық экономикалық одаққа қатысушы елдерден Қазақстанға әкелінген автомобильдер үшін жаңа нөмірлер енгізілетінін мәлімдеген.
Жаңа нөмірдің негізгі түсі сары, “18” санымен шығарылып, жүргізушінің техқұжатында әрекет ету мерзімі көрсетілетіні хабарланған. Бұл жаңашылдықтың жарамдылық мерзімі 2021 жылдың 1 наурызына дейін.
