Қазақстанның “Қазмырыш” металлургиялық компаниясы республика азаматтарына эпидемия кезінде қолдау көрсету мақсатында 10 миллион доллар бөлді. Бұл туралы zakon.kz ақпарат агенттігі хабарлады.
Ақша қаражаты Қазақстан Республикасының Тұңғыш Президенті Нұрсұлтан Назарбаевтың бастамасымен құрылған Birgemiz қоғамдық қорының шотына аударылды.
Бұл қордың өкілдері қаражат мұқтаж қазақстандықтарға тікелей атаулы көмек көрсетуге жұмсалатынын айтты.
Қоғамдық қор “Қазмырыш” компаниясына коронавирустық инфекцияның таралуы жағдайында қазақстандықтарды қолдауға бағытталған көрсеткен көмегі үшін алғыс білдірді.
“Қазмырыш” металлургиялық компаниясы мырыш, мыс, қорғасын және бағалы металдарды өндіретін ірі қазақстандық өндіруші болып табылады. Оның бас кеңсесі Өскемен қаласында.
Соңғы мәліметтерге сәйкес, Қазақстан Республикасында COVID-19 жұқтырудың 1775 оқиғасы тіркелді, ең көбі Алматыда анықталған – 549 жағдай. Қазір біздің елдің басшылығы эпидемияның таралуына қарсы бағытталған барлық шараларды қолдануда.
Сурет: inbusiness.kz
