Қазақстан Үкіметі Ауғанстаннан әскерлерді шығару күні мен Семей полигонын жабу күні мейрам болып саналады және Қазақстан Республикасының мерекелік күндер тізіміне енгізілді деп қаулы етті. Бұл туралы «ҚазТАГ» ақпарат агенттігі жазды.
«Осы Қаулымен бекітілген Қазақстан Республикасындағы мереке күндерінің тізбесі: 1-1-тармақпен мынадай мазмұнда толықтырылсын: «1-1. Кеңес әскерлерінің шектеулі контингентін Ауғанстан Демократиялық Республикасынан шығару күні – 15 ақпан»; 26-1-тармақпен мынадай мазмұнда толықтырылсын: «26-1. Семей ядролық сынақ полигонының жабылған күні — 29 тамыз»; 34-1-тармақпен мынадай мазмұнда толықтырылсын: «34-1. Қарттар күні — 1 қазан», — делінген Үкіметтің №467 қаулысында.
Ақпарат агенттігінің қызметкерлері қаулы күшіне енгенін мәлімдеді.
Сурет: youtube.com
