Франция астанасында ЮНЕСКО-ның штаб-пәтерінде мәдениет министрлерінің форумы өтті. Оған Қазақстан Мәдениет және спорт министрлігінің басшысы Ақтоты Райымқұлова белсенді қатысты.
Осы форум аясында “Мәдениет қоғамдық кеңістіктегі әлеуметтік және қалалық трансформация қозғалтқышы ретінде” атты пленарлық сессия өтті, оның барысында Ақтоты Райымқұлова қатысушыларға Қазақстанның мәдениет саласындағы мемлекеттік саясатының негізгі бағыттары туралы айтты.
Халықаралық аудитория біздің республикамызда жүргізіліп жатқан ескерткіштерді қорғауды жақсартуға және қазақстандық мәдени мұраны танымал етуге бағытталған жұмыстар туралы хабардар етілді. Сонымен қатар, Райымқұлова Қазақстанда туристік саланың дамуы туралы хабарлады.
Сөз соңында Қазақстан Мәдениет және спорт министрлігінің басшысы ЮНЕСКО-ға қатысушы елдердің өкілдерін әл-Фарабидің 1150-жылдығына және Абай Құнанбайұлының 175-жылдығына арналған мәдени және ғылыми, сондай-ақ білім беру іс-шараларына қатысуға шақырды.
