Еліміздің Ұлттық Банкі шағын және орта бизнес субъектілерін жеңілдікпен несиелеу бағдарламасын әзірледі. Бұл туралы vlast.kz ақпарат агенттігі хабарлады.
Қаржы реттеу өкілдері бұл бағдарлама коронавирустық инфекцияның Қазақстан экономикасына теріс әсер етуіне байланысты жасалған шара екенін айтты.
Бағдарламаны іске асыру үшін екінші деңгейдегі банктерде шартты салымдарды орналастыру жолымен бөлінетін 600 миллиард теңге қажет болады.
Бұл бағдарламаның операторы қазақстандық тұрақтылық қоры және активтердің сапасын тәуелсіз бағалаудан өткен елдің 13 Банкі болады.
Ұлттық Банкте кәсіпкерлерге қолдау көрсету тетігі екінші деңгейлі банктердің шағын және орта бизнес субъектілеріне айналым капиталын толықтыруға жеңілдетілген несиелер беру арқылы жүзеге асырылады деп түсіндірді.
Қаржы нарығын реттеу және дамыту жөніндегі қазақстандық агенттік өз кезегінде кәсіпкерлерге берілген жеңілдікті несиелердің мақсатты пайдаланылуын ай сайын тексеретін болады.
Бұған дейін мемлекет басшысы Қасым-Жомарт Тоқаев еліміздің Ұлттық Банкіне бизнесті жеңілдікпен несиелендіру шараларын әзірлеуді тапсырған.
Сурет: ryazagro.ru
