Қазақстанның құқық қорғау ведомствосының басшысы Ерлан Тұрғымбаев Венгрияның ішкі істер министрі Шандор Пинтермен кездесті. Бұл туралы ҚР Ішкі істер министрлігінің баспасөз қызметі хабарлады.
Кездесу барысында Қазақстан мен Мажарстан арасындағы құқық қорғау саласындағы екіжақты ынтымақтастықты дамытуға қатысты мәселелерді талқылады.
Сондай-ақ келіссөздер барысында екі мемлекеттің ішкі істер министрліктерінің басшылары полицей ведомстволарын реформалау жайында пікір алмасты. Сонымен қатар, Венгер тарапы 2015 жылғы реформалардың нәтижелері туралы хабардар етті.
Кездесу барысында қазақстандық министр полицияның халыққа қызмет көрсету сервистік моделіне көшудегі Венгрия тәжірибесі және біздің республикамызда осындай тәсілдерді енгізу мүмкіндігі қызықтырды.
Кездесу соңында министрлер алдағы уақытта Қазақстан мен Венгрия полиция ведомстволары қызметінің түрлі бағыттары бойынша тәжірибе алмасуға уағдаласты.
Сурет: 24.kz
