Қазақстан Республикасының Ішкі істер министрі Ерлан Тұрғымбаев 10 сынып оқушысы Надир Омарғазиевпен кездесті. Жас жігіт тереңдігі екі метр құдыққа құлап кеткен бес жасар баланы құтқарды.
Естеріңізге сала кетейік, Астанада бала серуенлеп жүріп құдыққа құлап кеткен. Осы кезде Надир досымен колледжден келе жатып, оқиғаның куәгері болды. Ұзақ ойланбастан, ол құдыққа түсіп, баланы құтқарды.
Ішкі істер министрі оқушыға батырлық, жанқиярлық және қырағылық көрсеткені үшін алғыс жариялады. Мектеп оқушысы “Төтенше жағдайдағы ерлігі үшін” төсбелгісімен марапатталды және смартфон алды. Ерлан Тұрғымбаев мұғалімдері мен тәлімгерлерінінің оқушыны тәрбиелеуге қосқан үлесін атап өтіп, Надир Омарғазиевтің ата-анасына алғыс хат табыстады. Кездесу соңында министр Надирді ІІМ оқу орындарына оқуға шақырды,өйткені жанкешті және көмекке келуге дайын болу өрт сөндірушілер мен құтқарушылардың қасиеттерінің бірі болып табылады.
