Қазақстанның мәдениет және спорт министрі Ақтоты Райымқұлова 100 дене шынықтыру-сауықтыру кешені құрылысының басталуы туралы ақпарат берді.
«Бұқаралық спортпен шұғылдану үшін мәдениет нысандарының қолжетімділігі мәселесіне оралғаннан кейін еліміздің аса мұқтаж елді мекендерінде 100 дене шынықтыру-сауықтыру кешенінің (ДШСК) құрылысы басталды», – деді Райымқұлова.
Министрдің айтуынша,талдау жүргізіліп, өңірдегі дене шынықтыру-сауықтыру залдарына деген қажеттілік 1 миллион 457 мың шаршы метрді құрайтыны анықталады.
Оған сәйкес ағымдағы жылы 22 ДШСК, 2020 жылы – 34 және 2021 жылы – 44 ДШСК салу жоспарлануда», – деді Ақтоты Райымқұлова.
Министр жобаларды іске асыру өңірлер бюджеті мен демеушілік қаражат есебінен қамтамасыз етілетінін айтты.
«Министрлік алға қойылған мақсаттарға қол жеткізу және спортты тұрақты дамыту, қазақстандық спорттың бәсекеге қабілеттілігін арттыру бойынша міндеттерді табысты шешу үшін барлық күш-жігерін жұмсайды», — деп қорытындылады Райымқұлова.
Сурет: informburo.kz
