Бүгінгі таңда Қазақстанның индустрия және инфрақұрылымдық даму министрлігі экспорттық бақылаудың заманауи және тиімді жүйесін құру мақсатында екі заң жобасын әзірлеумен белсенді айналысуда, деп ведомствоның баспасөз қызметі хабарлайды.
Бұл жерде «Ерекше тауарларды бақылау мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» және «Ерекше тауарларды бақылау туралы» заң жобалары туралы сөз болып отыр.
Индустрия министрлігінде әзірленіп жатқан заңнамалық жобалар біздің еліміздің жаппай қырып-жою қаруын таратпау және әдеттегі қару-жарақты, сондай-ақ әскери техниканы заңсыз сатуға жол бермеу жөніндегі халықаралық міндеттемелерін сақтауға бағытталғанын айтты.
Мұнымен қоса, ведомствода бұл заң жобаларының тұжырымдамалары ҚР Үкіметі жанындағы заң жобалау қызметі мәселелері жөніндегі ведомствоаралық комиссияның өткен отырысында мақұлданғанын атап өтті.
Министрлікте мәлімдегендей, қазір бұл заң жобалары ҚР мемлекеттік органдары мен қоғамдық бірлестіктерінде келісілуде екен.
Сурет: miid.gov.kz
