Қазақстан Энергетика министрлігі басшысының орынбасары Мұрат Жүребеков республикамыздың солтүстік өңірлері, атап айтқанда Көкшетау мен Петропавл қаласы Түмен облысының Есіл қаласынан газдандырылуы мүмкін екенін айтты.
«Ресейдің газ тасымалдау жүйесіне қосылу есебінен Солтүстік облыстарды газдандыру мәселесін біз Ресей Федерациясымен бұрыннан пысықтадық. «Сарыарқа» газ құбырын салу бойынша шешім қабылданғанға дейін», — деді Жүребеков.
Энергетика вице-министрінің айтуынша, «Сарыарқа» құрылысының екінші және үшінші кезеңі Нұр Сұлтаннан Көкшетауға дейін, содан кейін Петропавлға дейін құбыр салуды қамтиды.
«Енді біз Түмен облысының Есіл қаласынан Петропавлға дейін және Көкшетауға дейін газ жеткізу үшін ресейлік әріптестерімізбен келіссөздер жүргізгіміз келеді», — деді ведомство басшысының орынбасары.
