Қазақстан энергетика министрлігінің басшысы Қанат Бозымбаев денсаулығы жағдайына байланысты өз қызметінен кетуге шешім қабылдады. Бұл туралы баспасөз хатшысы Нұрлыбек Жеңісбек мәлімдеді.
Энергетика министрінің баспасөз хатшысының айтуынша, бұрын Бозымбаев омыртқасының мойын бөлігіне ота жасаған. Осыған байланысты дәрігерлер оған көлік сапарлары мен авиарейстерден қалыс қалуды ұсынды. Сонымен қатар министрге ұзақ физиотерапевтік қалпына келтіру тағайындалды.
Министрлер тұрақты негізде сапарлар мен авиа ұшуларды жүзеге асыруы қажет, сондықтан, ол ведомство басшысы лауазымын бұдан былай атқара алмайды.
Бозымбаевтың денсаулығы жағдайы туралы Президент Қасым-Жомарт Тоқаевқа баяндалды,ол өз кезегінде бұрынғы энергетика министрін өзінің көмекшісі лауазымына тағайындауға шешім қабылдады.
Өзінің еңбек жолында Қанат Бозымбаев әр түрлі қызмет атқарды. Ол Жамбыл және Павлодар облыстарының әкімі болды. KEGOC АҚ басқарма басшысы лауазымында еңбек етті. Энергетика министрі қызметіне 2016 жылы тағайындалды.
