Келесі жылы біздің республикамыз Еуразиялық экономикалық одаққа төрағалық етеді. Президент Қасым-Жомарт Тоқаев осы кезеңде Қазақстанның алдына қандай басымдықтары туралы айтты.
Жоғары Еуразиялық экономикалық кеңестің онлайн-отырысы кезінде мемлекет басшысы Қазақстанның ЕАЭО-да төрағалық қызметіндегі негізгі міндеті – одақ туралы шартты толыққанды іске асыру екенін мәлімдеді.
Тағы бір басымдық – ЕАЭО-дағы кедергілерді жою, одақ елдері арасындағы өзара тиімді ынтымақтастық пен кооперацияны дамыту, сондай-ақ Еуразиялық экономикалық комиссияның функционалдығы мен жауапкершілігін күшейту.
Сонымен қатар, біздің еліміз одақта шағын және орта бизнес саласын дамытуды ынталандыруға ниетті.
Қасым-Жомарт Тоқаев бүгінгі таңда бұл сала одақ елдері халқының басым бөлігін жұмыс орындарымен қамтамасыз ететін ЕАЭО мемлекеттері экономикаларының өзекті элементі болып табылатынын атап өтті. Осыған байланысты Қазақстан Президенті интеграциялық өндірістік тізбекке шағын және орта кәсіпорындарды тарту үшін ұсыныстар кешенін қалыптастыру қажет деп санайды.
Бұған дейін ЕЭК-те Қазақстан басшысының жолдауын күтіп отырғаны хабарланған болатын, оның негізінде 2021 жылы комиссия қызметінің негізгі бағыттары әзірленеді.
Сурет: d-russia.ru
