Осы жылдың он айында республикамыздың денсаулық сақтау және әлеуметтік қызметтер саласына 201,3 миллиард теңге жұмсалды. Бұл өткен жылмен салыстырғанда екі есе көп, деп хабарлайды kapital.kz жаңалықтар ресурсы.
Қазан айында қазақстандық денсаулық сақтау саласы 52 миллиард алды. Осы айдағы салымдар сомасы ағымдағы және өткен жылдың айлық көрсеткіштерінен едәуір асып түседі.
2020 жылдың 10 айында Алматының денсаулық сақтау саласына ең көп қаражат салынды, атап айтқанда 44,9 миллиард теңге. Бұл рейтингте екінші орында 19,7 миллиард теңгемен Қарағанды облысы, ал көшбасшылардың үшіншісі 19,5 миллиард теңгемен Алматы облысы.
Бұған дейін еліміздің денсаулық сақтау жүйесіне қатысты Президент Қасым-Жомарт Тоқаев бүкіл адамзат үшін қауіп төндіретін коронавирус індеті бұл жүйені реформалау қажеттілігін айқын көрсетті деп мәлімдеген болатын.
Сондықтан, Тоқаев айтқандай, Қазақстанда келесі бес жылға арналған денсаулық сақтауды дамыту бағдарламасы қабылданды. Оны жүзеге асыруға үш триллион теңгеден астам қаражат қарастырылған.
Сурет: mhealthcongress.ru
