Қазақстан денсаулық сақтау министрлігінің ресми өкілі Диас Ахметшәріп Қытайдан келген азаматтардың денсаулығы жайында түсініктеме берді. Бұл туралы zakon.kz ақпарат агенттігі жазады.
Денсаулық сақтау министрлігінің қызметкері бүгінгі таңда Қытайдан келген азаматтардың 110-ы жоғары температурамен ауруханаға жатқызылғанын, оның 105-і қытайлық коронавирусқа күдікті болғанын атап өтті.
Алайда, Диас Ахметшәріптің айтуынша, талдау нәтижелері емделушілерде қытайлық вирус жоқ екенін көрсетті. Қазір 80 адам үйлеріне босатылды,ал қалғандары стационарларда, олардың жағдайы тұрақты деп бағалануда.
Сондай-ақ, Қазақстан денсаулық сақтау министрлігінің өкілі Ресей мен Өзбекстанда екі апталық карантиндегі отандастарымыздың денсаулығы туралы айтты.
Диас Ахметшәріп қазақстандықтардың жағдайы қанағаттанарлық деп сендіреді. Сонымен қатар, Қазақстанның денсаулық сақтау министрлігі азаматтар туралы Ресей мен Өзбекстаннан тұрақты түрде ақпарат алып тұрады.
Сурет: 24.kz
