Қазақстан Денсаулық сақтау министрлігінің басшысы Елжан Біртанов COVID-19-ға тест тапсырады. Бұл туралы ҚР Денсаулық сақтау министрлігінің өкілі Диас Ахметшарип мәлімдеді.
Ахметшарип 30 наурыздан бастап Денсаулық сақтау министрлігі коронавирусты жұқтыру қаупін азайту үшін, қашықтықтан жұмыс форматына көшкенін еске салды. Қазір министрлікте министр және тағы да 3-4 адам жұмыс істеп жатыр.
Сонымен қатар, министрлік өкілі ведомство басшысы мен қалған қызметкерлер өз кабинеттерінде жұмыс істеп жатқандықтан, инфекция жұқтыру қаупі төмен екенін айтты.
“Алайда Елжан Амантайұлы бүгін коронавирус инфекциясына тест тапсырады. Әрине, нәтижесін, әрине, хабарлайтын боламыз”, – деп толықтырды Диас Ахметшарип.
Бұған дейін қазақстандық БАҚ-тарда Денсаулық сақтау вице-министрі Камалжан Надыров COVID-19 жұқтырғаны туралы ақпарат пайда болды. Қазір оның денсаулық жағдайы қанағаттанарлық деп бағалануда, ауру жеңіл түрде өтіп жатыр.
Соңғы мәліметтерге сәйкес, біздің елімізде коронавирус инфекциясын жұқтырудың 2047 оқиғасы ресми түрде тіркелді, ең көп жұқтырғандар Алматыда – 693 оқиға анықталды.
Сурет: tengrinews.kz
