Қазақстан Даму Банкінің өкілдері ШЫҰ Банкаралық ұйымының онлайн-семинарына қатысты, оның күн тәртібіне COVID-19 туындаған дағдарысқа қарсы күрес мәселелері қойылды, деп хабарлайды zakon.kz ақпарат арнасы.
Семинарды Ресей тарапы ұйымдастырды, өйткені биылғы жылы Ресей Федерациясы ШЫҰ-ға төрағалық етеді.
Бейнеконференция кезінде қатысушылардың назары бәсеңдеу кезеңінде экономикаға қолдау көрсетуге қатысты мәселелерге аударылды. Сонымен қатар, тараптар ШЫҰ кеңістігіндегі жобалық қаржыландыру мен қалалық экономиканы дамыту мәселелерін талқылады.
ШЫҰ бойынша әріптестерінің алдында сөйлеген сөзінде Қазақстанның Даму Банкінің басшысы Абай Сарқұлов індеттің таралуы жағдайында банктің қарыз алушыларын қолдау үшін біздің республикамызда дағдарысқа қарсы қабылданған шаралар туралы айтты.
Сондай-ақ өз сөзінде Абай Сарқұлов ШЫҰ-ға қатысушы елдердің экономикалық дамуын қолдау және экономикасын одан әрі тұрақтандыру жөнінде бірқатар ұсыныстар атап өтті.
«ШЫҰ елдері аумағында жобаларды бірлесіп қаржыландыруды белсенді дамыту, сауда-экономикалық ынтымақтастықта ұлттық валюталарды пайдалануды кеңейту, өзара қарым-қатынас пен әріптестікті дамытудың, ШЫҰ аясында экономикалық байланыстарды тереңдетудің жаңа түрлерін табу қажет», — деді ол.
Сурет: zakon.kz
