Республиканың бірқатар аймақтарында полиция қызметкерлері сыбайлас жемқорлыққа қатысы бар деп күдікті.Мемлекеттік қызмет істері және сыбайлас жемқорлыққа қарсы іс-қимыл агенттігінде істің егжей-тегжейі туралы айтты, деп хабарлайды Tengrinews.kz журналисі.
Брифингте Ұлттық сыбайлас жемқорлыққа қарсы бюро бастығының орынбасары Шыңғыс Абдулла Жамбыл облысында Талас аудандық полиция бөлімшесі бастығының орынбасары мен тергеушісі, сондай-ақ тағы екі қызметкер − майор мен капитан − құрықталғанын хабарлады. Олар қылмыстық жолмен табылған мүлікті сатып алу туралы қылмыстық істі тоқтатқаны үшін 300000 теңге көлемінде пара алды деп күдіктенеді. Күдіктілер қамауда, тергеу жалғасуда
Алматыда қалалық анықтау басқармасының анықтаушысы, жезөкшелікке арналған притонды ұйымдастыру және ұстау туралы іс бойынша сотқа дейінгі тергеуді тоқтатқаны үшін пара ретінде 900000 теңге алған аға лейтенантқа қатысты сотқа дейінгі тергеу жүргізілуде.
Сондай-ақ Павлодар облысында ұйымдасқан қылмысқа қарсы күрес басқармасының аға жедел уәкілі үйқамаққа орналастырылған. Бұл майор 700000 теңге көлемінде пара алғаны үшін және жалпы қамқорлығы мен қылмыстық жауапкершілікке тартпағаны үшін жалпы сомасы 4 млн теңге алу ниеті болды деп айыпталуда.
Петропавлдық патрульдік полиция батальонының үш қызметкері жол қозғалысы ережесін бұзған жағдайда хаттамаларды жеткізбегені үшін екі мыңнан жиырма мың теңгеге дейін пара алды деп күдіктенуде. Жалпы алғанда, олар 13 адамнан 74000 теңге заңсыз алған. Барлық қылмыскерлер кінәсін мойындады, сондықтан оларға процессуалдық ұстау қолданылған жоқ.
Алматы облысы Ұйғыр ауданының полиция бөлімінің кәмелетке толмағандар ісі жөніндегі инспекторы, Қырғызсай ауылындағы мал ұрлығына күдіктіні, азаптаудың іздерін жасыру мақсатында, үйінде ұстағаны үшін қамауға алынды.
Мұңайын аудандық бөлімшесінің учаскелік полиция инспекторы бизнесменге қамқорлық жасау және көші-қон заңнамасын бұзу фактісі бойынша жауапкершілікке тартпағаны үшін 135000 теңге алған. Инспектор кінәсін мойындады, ұстау қолданылған жоқ, тергеу жүргізілуде.
Сурет: tengrinews.kz
