Қазақстан Республикасы Білім және ғылым министрлігінің басшысы Асхат Аймағамбетов “Спутник Қазақстан” ақпараттық агенттігіне берген сұхбатында оқушыларды жаңа оқу жылында не күтетінін айтты.
Оның айтуынша, мемлекеттегі эпидемиологиялық жағдай біртіндеп тұрақтануда, бірақ карантиндік шаралар сақталып отыр.
Ол қашықтықтан оқыту шешімі эпидемиологиялық жағдайға байланысты екенін айтты. Оны санитарлық дәрігерлер қабылдайды.
“Барлық жерде ата-аналар риза емес, барлық жерде оларға үлкен жүктеме түседі. Барлық жерде мұғалімдер көп тапсырмалар беруге тырысады немесе баланың сабаққа онлайн қатысуын талап етеді. Осы талаптар көптеген елдерде бірдей. Біз халықаралық тәжірибені көріп отырмыз, халықаралық институттардағы әріптестерімізбен сөйлесіп, талдау жүргіземіз. “Тума дақтар” барлық жерде бірдей”, – деді министр.
Аймағамбетов қашықтықтан оқыту сапасының төмендігі баяу интернетпен байланысты емес екенін баса атап өтті.
“Жақсы интернеті бар дамыған елдердің өзінде қашықтықтан оқыту мен дәстүрлі күндізгі форматтағы білім деңгейі арасында үлкен айырмашылық бар”, – деп түйіндеді Білім министрлігінің басшысы.
