Ұлттық қауіпсіздік комитеті Атырау облысында арнайы операция өткізді, оның барысында деструктивті діни ағымның жақтаушылары болып табылатын адамдар тобы ұсталды. Бұл туралы ҰҚК баспасөз қызметі хабарлады.
Ұсталған радикалдардың есірткі саудасына, атап айтқанда, өсімдік тектес тыйым салынған заттарды жеткізу арнасын ұйымдастыруға қатысы бар екені анықталды.
Деструктивті ағымның жақтастарына қатысты есірткіні заңсыз дайындағаны, сақтағаны және өткізгені үшін қылмыстық іс қозғалды.
Қазіргі уақытта ұсталған адамдар уақытша ұстау изоляторына Атырау мамандандырылған тергеу сотының шешімі бойынша орналастырылды. Сонымен қатар, оларға қатысты тергеудің барлық қажетті рәсімдері жүргізілуде.
Бұған дейін Қазақстан ІІМ-де 2020 жылы еліміздің аумағында 7 есірткі зертханасы жойылып, олардан 65 килограм дайын есірткі мен 140 литр прекурсор алынды деп айтылған болатын. Есірткі саудасына қарсы күрес тұрғысынан өткен жылдың тағы бір нәтижесі 96 килограмм синтетикалық есірткіні тәркілеу болып табылады. Бұл 2019 жылмен салыстырғанда он есе көп.
Сурет: sputnik.kz
