Стационарлардағы науқастарға ұялы телефондарды пайдалануға рұқсат етіледі, алайда олар суретке түсіруге, бейне және аудио жазуға құқығы жоқ. Бұл туралы Қазақстан Республикасының бас мемлекеттік санитарлық дәрігері Айжан Есмағамбетова мәлімдеді.
Заң және сот-құқықтық реформа комитетінің мүшесі, мәжілісмен Снежанна Имашева Орал қаласының ауруханаларының емделушілерінен телефон аппараттарын тартып алатыны туралы ақпаратқа наразы. Депутат әлеуметтік желілерде «мұндай тыйым салудың заңға сәйкестігін түсіну керек» деп жазды.
Есмағамбетова медициналық мекемелерде ұялы телефондарды пайдалануға тыйым жоқ екенін, алайда суретке түсіруге және бейне жазуға рұқсат етілмейтінін түсіндірді. Бас санитарлық дәрігер ол Қазақстан заңының қай бабын басшылыққа алғанын айтқан жоқ.
«Пациенттер үшін ұялы телефондарды пайдалануға тыйым салынған жоқ, бірақ ауруханада аудио/фото және бейнетүсірілімге тыйым салынған. Себебін түсіндіремін. Эпидемия кезінде стационарлардан түсірілген бейнежазбаларда науқастар жиі таратылады. Өкінішке орай, науқастардың рұқсатынсыз бейне түсірілімдер жүргізіліп жатады. Осылайша, әрбір азаматтың дербес құқығы бұзылады», — деп атап өтті санитарлық дәрігер.
Сондай-ақ, бейнежазбалар медицина қызметкерлеріне қысым құралы ретінде пайдаланылуы мүмкін екенін айтты.
«Бекітілген хаттамаға сәйкес емделуге келіспейтін пациенттер көбінесе дәрігерлер мен медбикелерге бейнежазба жүргізу арқылы қысым көрсетеді», — деді Есмағамбетова.
Аудио, бейнетүсірілім және суретке түсіруді жүзеге асыруға тыйым салу науқастардың туыстары және жақындарымен байланыс жасау мүмкіндігіне ешқандай әсер етпейді, деп атап өтті санитарлық дәрігер.
Сурет: ru.sputniknews.kz
