Қазақстан Бас прокурорының орынбасары Болат Дембаев Қордай ауданындағы жаппай тәртіпсіздіктен кейін полицейлер бес адамды ұстады, деп хабарлайды ТАСС.
Қадағалау органы өкілінің айтуынша, екі адам ұрып – соғу фактісі бойынша, біреуі – билік өкілдеріне бағынбау фактісі бойынша ұсталды. Қалғандарына қатысты тергеу амалдары жүргізілуде, олар өлтіру және бөтен мүлікті өртеді деп күдікті.
Болат Дембаев қазіргі уақытта полицейлер бірқатар істер бойынша басқа да күдіктілердің жеке басын анықтаумен айналысып, бар бейнематериалдарды зерттеп жатқанын айтты.
Бұған дейін Қазақстан ІІМ тергеу бөлімінің бастығы Санжар Әділов Қордай ауданында қақтығыстан кейін 120-дан астам қылмыстық іс ашылғанын, оның ішінде 11 адам өлтіру фактісі бойынша екенін айтты.
Жамбыл облысы Қордай ауданында жаппай тәртіпсіздік 2020 жылдың 8 ақпанында орын алды. Тәртіпсіздік нәтижесінде 11 адам қаза тауып, 180-нен астам адам дене жарақатын алды.
Қазір Қордай ауданындағы жағдай тұрақты. Ішкі істер органдарының қызметкерлері құқық тәртібінің сақталуын тұрақты түрде қадағалауда.
Сурет: mir24.tv
