Бейнеконференцбайланыс режимінде қылмыстық жолмен алынған кірістерді заңдастыруға және терроризмді қаржыландыруға қарсы іс-қимыл жөнінде Еуразиялық топтың отырысы өтті, оған республикамыздың бас прокуратурасы өкілдері қатысты, деп хабарлайды Ресей Федерациясы бас прокуратурасының баспасөз қызметі.
Сонымен қатар, бейнеконференцияға Қырғызстан, Ресей, Беларусь, Үндістан, Қытай, Тәжікстан және Өзбекстанның қадағалау органдарының өкілдері қосылды.
Онлайн-кездесуге қатысушылар коронавирустық инфекцияның таралуы жағдайында қылмыстық әрекеттермен күресу мәселелеріне баса назар аударылды.
Еуразия аймағы елдері Бас прокуратураларының өкілдері жаңа террористік қауіп-қатерлерге байланысты мәселелерді қарастырды. Сонымен қатар, ақшаны жылыстату және лаңкестікті қаржыландыруға қарсы күрес мәселелері талқыланды.
Бейнеконференция барысында оған қатысушылар Еуразиядағы қылмыстық кірістерді жылыстату және терроризмді қаржыландыру тәуекелдерін бағалау әдіснамасының жобасын бекітті.
Отырыс соңында Еуразиялық аймақ елдерінің прокурорлары келесі кездесу биылғы жылдың қараша айында Өзбекстан Республикасында өтуі тиіс деген шешім қабылдады.
