Қазақстандық индустрия министрлігі басшысының орынбасары Динара Щеглова видеоконференцбайланыс арқылы семинар өткізді, оның барысында Қазақстан қалаларында қоғамдық көлікте жол жүрудің электрондық төлем жүйесін енгізу мәселелері талқыланды, деп хабарлайды ведомствоның баспасөз қызметі.
Семинар барысында Атырау, Көкшетау және Семей әкімдіктерінің өкілдері басқа қалалардағы әріптестерімен осы жүйені енгізу бойынша тәжірибелерімен бөлісті.
Жол жүрудің электрондық төлем жүйесін енгізу тасымалдауды субсидиялау көлемін оңтайландыруға және тасымалдаушылардан түсетін салық түсімдерін арттыруға мүмкіндік береді.
Осыған байланысты Қазақстан индустрия министрлігі осы жүйеде маманданған компаниялардың басшылықтарын еліміздің басқа қалаларында да енгізу үшін ұсыныстармен шығуға шақырады.
Ведомствода бұған дейін Қазақстан қалаларының әкімдіктеріне қоғамдық көлікте жол жүру үшін төлемнің электрондық жүйесін енгізу мәселесін пысықтау тапсырылды, себебі бұл жұмыстың әлеуметтік маңызы жоғары.
Сурет: basarabia.md
