ҚР Индустрия және инфрақұрылымдық даму Вице-министрі Қайырбек Өскенбаев тұрғын үй сатып алуға тұрғын үй сертификаттарын республиканың барлық аймақтарында беруді жоспарлап отырғанын айтты. Бұған дейін оларды тек Астанада ғана жас мамандарды тарту үшін берген.
“Қазір біз заңнамаға өзгерістер енгіземіз, бұл да белгілі бір процедураларды талап етеді, өйткені заңмен жергілікті атқарушы органдарынан тұрғын үй сертификаттарын беру қарастырылмаған”, – деді Қайырбек Өскенбаев.
Өңірлерде сертификаттарды жергілікті атқарушы билік органдары бөлетін болады. Сертификаттарды бөлу кезінде әкімдіктерге аймаққа қажетті мамандарды таңдау құқығы беріледі.
“Ел бойынша бұл 17 млрд теңге. Мысалы, Астана бізде мұғалімдер жетіспейді, немесе ішкі органдардың қызметкерлерін қолдау керек дейді. Яғни, әрбір өңір өзінің ерекшелігі мен басымдықтарын айқындайды. Мүмкін біреулер, біз жастарды тартқымыз келеді, дейтін шығар “,-деді Қайырбек Өскенбаев.
2018 жылдың соңында, Астанада алғашқы 100 тұрғын үй сертификаты берілді. Биыл тағы 2 мың астаналық тұрғын үй сатып алуға сертификат алады.
Сулет: news.kz
