Сыбайлас жемқорлығы үшін сотталып,бас бостандығынан айырылған Қазақстан Үкіметінің бұрынғы басшысы Серік Ахметов шартты түрде мерзімінен бұрын босатуды сұрайды.
Бүгін еліміздің бұрынғы премьер-министрінің өтінішін қарау бойынша сот тыңдауы өтуі тиіс еді. Алайда, Қарағанды қаласы Қазыбек би аудандық сотының судьясы Манат Жұмақаева отырысты 25 қазанға ауыстырды.
Серік Ахметов мерзімін өтеу кезінде заң бұзбағанын айтты. Сонымен қатар, осы уақыт ішінде қылмыстық және әкімшілік жауапкершілікке тартылмаған,келтірген залалын мемлекетке толық өтеді.Осыған байланысты бұрынғы премьер-министр шартты түрде мерзімінен бұрын босату туралы сұрады.
Қарағанды облысының қылмыстық істер жөніндегі мамандандырылған соты бұрынғы үкімет басшысын сыбайлас жемқорлық қылмыстары үшін соттап,10 жылға бас бостандығынан айырды.Одан кейін Абай аудандық соты оның өтелмеген бөлігін 4 жыл 26 күнге бас бостандығын шектеуге ауыстырды.
