Алматыда еліміздің үш банкінен: Bank RBK, Еуразиялық банк және Qazaq Banki-ден ұрлық бойынша қылмыстық істің сот талқылауы аяқталуға жақын, деп хабарлайды orda.kz жаңалықтар ресурсы.
Бұл іс бойынша айыпталушылардың арасында экс-банкир Жомарт Ертаев пен олигарх Нұрлан Тілеубаев бар. Тергеу нұсқасына сәйкес, Ертаев Тілеубаевқа астық бойынша кепілдендірілмеген қолхаттар арқылы несие алуға көмектесті. Тілеубаев өз кезегінде ақшаның бір бөлігін Ертаевқа беруі керек еді.
Прокурор соттан экс-банкир мен олигархты кінәлі деп тануды және әрқайсысына тоғыз жыл бас бостандығынан айыру жазасын тағайындауды сұрайды.
Сондай-ақ, мемлекеттік айыптаушы Ертаев пен Тілеубаевты 10 жылға коммерциялық ұйымдарда жұмыс істеу, банк және қаржы қызметімен айналысу құқығынан айыруды сұрады.
Ертаев пен Тілеубаевқа қатысты түпкілікті шешімді Алматы қаласының Алмалы аудандық соты шығарады.
Бұған дейін Ертаев Bank RBK-тен 144 миллиард теңге ұрлау ісі бойынша 11 жылға бас бостандығынан айырылған.
Сурет: fergana.agency
