Нұр-Сұлтанда мемлекет басшысы Қасым-Жомарт Тоқаев қатысқан Тамыз конференциясының пленарлық отырысы басталды. Бұл туралы білім және ғылым министрлігі хабарлады.
Мұғалімдердің Тамыз конференциясына еліміздің барлық аймақтарынан екі мыңнан астам мұғалім қатысады.
Ведомство ақпараты бойынша, конференция аясында білім және ғылым саласындағы өзекті мәселелер бойынша алаң ұйымдастырылған.
Іс-шара барысында қатысушылар білім беруді жаңғырту бойынша әдістемелік ұсыныстар әзірлейді деп жоспарлануда.
Сондай-ақ, конференция барысында мұғалімдер білім беру сапасын арттыру және тәрбиелеу басымдықтары негізінде білім беру жүйесін жақсартудың проблемалық жақтары мен перспективаларын, сондай-ақ 2019-2020 жылдарға арналған орта білім беру жүйесіндегі жаңашылдықтарды талқылайды.
Білім және ғылым министрлігінде ағымдағы жылдың 1 қыркүйегінен бастап 4, 9 және 10 сынып оқушылары жаңартылған мектеп бағдарламасына көшетінін, ал 10 сынып оқушылары үшін жаңа пән — «Кәсіпкерлік және бизнес негіздері»пайда болғанын еске салды.
