“Ауыл” халықтық-демократиялық патриоттық партиясының XVI есептік-сайлау съезі Нұр-Сұлтанда өтуде, деп “ҚазАқпарат”ХАА тілшісі хабарлайды.
Партия бағдарламасына сәйкес, Съезде “Ауыл” партиясы Саяси кеңесінің 2015-2019 жылдары атқарылған жұмыстар туралы есепті баяндамасы қаралады, онда партияның өзінің бағдарламалық мақсаттарына қол жеткізу жөніндегі қызметі туралы егжей-тегжейлі ақпарат баяндалады, жергілікті жерлердегі партия филиалдарының агроөнеркәсіп кешені, әлеуметтік сала, ғылым және өндіріс мәселелері бойынша жұмысы туралы қызу пікірталас күтілуде.
Сондай-ақ, съезд делегаттары партияның бірнеше жаңа бастамаларын қарастырады деп күтілуде. Съезд кезінде партия төрағасын сайлау, партия Саяси Кеңесінің сайлауы өтеді, партия жарғысына өзгерістер мен толықтырулар енгізіледі,
XVI съезд қарсаңында “Ауыл” ХДПП 17 өңірлік филиалында есептік-сайлау конференциясы өтті, онда барлық аудандық партия ұйымдарының делегаттары алдында филиалдың Саяси кеңесінің 2015-2019 жылдар аралығында атқарған жұмыстары туралы есеп берді.
Конференция барысында 17 аймақтық филиалда Саяси кеңестердің құрамдары мен филиалдар төрағалары қайта сайланды. Төрағалардың абсолюттік көпшілігі жаңа мерзімге қайта сайланды. Екі өңірде-Ақтөбе және Солтүстік Қазақстан облыстарында филиалдардың жаңа төрағалары қайта сайланды.
Партия қатарында 298 мыңнан астам мүше бар. Бүгінгі таңда партияның 17 филиалы бар: 14 облыс және Республикалық маңызы бар 3 қала: Астана Нұр-сұлтан, Алматы және Шымкент.
