«Бүгінгі проблемалардың бірі, салық қарыздарын көре аламыз, бірақ салықты алдын ала төлеу үшін, салық міндеттемесінің қандай болатынын көре алмаймыз. Бізде мұндай мүмкіндік болған жоқ,биылғы жылы бұл функционалды іске қостық. Бүгін ғана біз жүйені жаңартып, дүйсенбіден бастап Павлодар және Қарағанды облыстарының тұрғындары үшін алдағы төлемдер сервисін іске қосамыз. Яғни, жыл соңына дейін қанша салық төлеу керектігін білуге болады. Бұған дейін біз мұндай ақпаратты жыл соңында өсімайыбымен алатынбыз, бұл өте жағымды емес еді. Енді осының барлығын алдын ала төлеуге болады», — деді Қаржы Вице-министрі Руслан Еңсебаев.
Вице-министр екінші мәселе салық төлеушінің әртүрлі деректемелерді таңдауы қолайсыздықтар тудыруында деп түсіндірді.
» Қайда жіберуге тиіс — төлем тағайындау кодын білуі, бюджеттік сыныптама кодын түсінуі, мемлекеттік кіріс органын таңдауы керек. Яғни, толтыру және таңдау үшін қаншама нысан керек. Адам көбінесе бұл не екенін білмей, қателіктер жасайды. Сондықтан біз бұл процесті барынша оңайлатамыз, адамдардан түсетін жүктемені алып тастап, мұны жүйенің өзіне жасатқымыз келеді. Адам белгілі бір соманы бірыңғай деректемеге төлейді, ал жүйе тіркеу мәліметтері бойынша автоматты түрде қандай мемлекеттік кіріс органына тиісті соманы аудару керек екенін анықтайды, «, — деп түсіндірді Руслан Еңсебаев.
Салық төлеуші «жеке кабинетте» жұмыс істеу кезінде қиындықтардың аз болуы үшін, вице-министрдің айтуынша, тұрақты жұмыс жүргізілуде.
«Ол үшін бізге мемлекеттік органдардан алатын барлық мәліметтерді ретке келтіру қажет — салықтарды дұрыс есептеу үшін қуатты ішкі жүйе құру. Бұл жерде, қателері кесірінен салықты дұрыс есептемейтін, адам факторы рөл атқарады. Біз қазірдің өзінде деректерді ретке келтіру бойынша жұмысты аяқтаймыз және мемлекеттік органдар жүйесін деректерді қолмен енгізбей, деректерді анықтамалықтан автоматты түрде алатындай етіп жасаймыз. Мекен-жайлардың бірыңғай жіктеуіші бар және осыған ұқсас түрде басқа жіктеуіштерді өңдейтін боламыз», — деп түйіндеді Руслан Еңсебаев
Сулет: nur.kz
