«Астана» халықаралық қаржы орталығы мен Еуразиялық экономикалық комиссия өкілдері кеңес өткізіп, Еуразиялық тікелей инвестициялар қорын құру мәселесін талқылады, деп хабарлайды ЕЭК баспасөз қызметі.
Пікірталасқа қатысушылар алдында сөз сөйлеген АХҚО басқарушысы Қайрат Келімбетов мұндай қорды «Астана» орталығының платформасында құруға болатынын, оның үстіне бұл үшін барлық қажетті құралдар бар екенін мәлімдеді.
Сонымен қатар, Келімбетов комиссия өкілдеріне АХҚО мүмкіндіктері, бірлескен қызметтің перспективалық бағыттары туралы айтты.
Қаржы орталығының мамандары АХҚО биржасы халықаралық алаң ретінде, оның ішінде Еуразиялық экономикалық интеграцияның 2025 жылға дейінгі жаңа стратегиясында белгіленгенін «Бір белдеу — бір жол» бастамасы шеңберіндегі жобаларды іске асыру үшін құрылғанын хабарлады.
Кеңес соңында оған қатысушылар АХҚО платформасында Еуразиялық тікелей инвестициялар қорын құру туралы ұсыныс ЕЭК Кеңесінің қарауына жіберіледі деген шешім қабылдады.
Сонымен қатар, ЕАЭО-да осындай қор құру туралы бастама Қырғызстан тарапына тиесілі. Ол бұл қордың арқасында одақтас елдердің даму деңгейі теңестіріледі деп санайды.
