Таяудағы жылы министрлік ішкі нарықтағы қарыздарға артықшылық беруге ниетті, деп мәлімдеді журналистерге ведомство басшысы Әлихан Смайылов.
«Сыртқы нарықтарда, валютада, бағамның құбылмалылығын ескере отырып, қарыз алған дұрыс юолмас, ішкі нарықтан теңгемен қарыз алған дұрыс болар», — деді ол қарыз алу жөніндегі Қаржы министрлігінің алдағы жоспарлары туралы сұраққа жауап бере отырып.
Смайылов қараша айында Қазақстан жалпы сомасы 1,05 млрд еуро болатын Еуроға дебюттік Егемен еурооблигацияларды салғанын еске салды. Шығарылым номиналдық құны бойынша еурооблигацияның екі траншынан тұрды: сомасы 525 млн еуро, өтеу мерзімі 2023 жылы, купон мөлшерлемесі 1,55%, және сомасы 525 млн еуро, өтеу мерзімі 2028 жылы, купон мөлшерлемесі 2,375%.
Смайылов атап өткендей, ағымдағы жылы бұдан басқа салым орналастыру жоспарланбаған.
«Біз қазір келесі жылға бағалы қағаздар шығаруды жоспарлау кезеңінде тұрмыз, жыл соңына дейін оны бекітеміз және жариялаймыз. 2019 жылы біз сыртқы қарыз алмау үшін, негізінен, ішкі нарықта теңгемен жұмыс істейтін боламыз», — деп қорытты Қаржы министрі.
Сулет: forbes.kz
