2020 жылғы 11 қыркүйекте ҚР ҰҚК ҚР ІІМ-мен бірлесіп «а» және «Бүркіт» арнайы бөлімшелерін тарта отырып, үш аса қауіпті ҰҚТ-ның: «Алибовские», «Ибрагимов» және «Махмудов»қызметінің жолын кесті. Бандалар Астаналық аймақта бопсалау, рейдерлік және қару сатумен айналысқан, деп «ҚазАқпарат» ХАА ҚР ҰҚК баспасөз қызметіне сілтеме жасап хабарлайды.
Арнайы операция аясында Нұр-сұлтан, Алматы, Ақтөбе және Қостанай қалаларында аталған топтардың 15 көшбасшысы мен белсенді мүшелері ұсталды, олардың бірі бандитизм мен кісі өлтіргені үшін Ресей Федерациясында халықаралық іздеуде болды. Қару-жарақ, оқ-дәрілер мен гранаталардың арсеналы тәркіленді.
Ұсталғандар Нұр-сұлтан полиция департаментінің УҰИ-не қамалды, қолда бар дәлелдемелерді бекіту және қылмыстық әрекеттің өзге де эпизодтарын анықтау бойынша тергеу іс-шаралары жүргізілуде.
Карантиндік шектеулер жағдайында қылмыстық қауымдастықтар экономикалық қиындықтарға тап болған кәсіпкерлерде бопсалау және рейдерлікпен айналысуды жалғастыра отырып, олардың қылмыстық белсенділігін төмендетпеді.
Біреудің мүлкін алып тастау қылмыстарының батылдығы мен қатыгездігі көбінесе атыс қаруы мен физикалық күшті қолданумен қатар жүрді.
«Бұл жағдайда ел басшылығы бейбіт азаматтарға бұзақылық элементтер тарапынан төнетін қатерді жою, қоғамның «Рэкетир» 90-шы жылдарға оралуына жол бермеу жөніндегі міндеттерді құзыретті органдар үшін басым деңгейге қояды. Қылмыстық топтардың жоспарлары мен ниеттерін анықтау және жолын кесу бойынша арнайы қызметтер мен полицияның жүйелі жұмысы жалғасуда», — деп ҚР ҰҚК хабарлады.
