Қазақстанның Ұлттық қауіпсіздік комитетінің қызметкерлері Алматыдағы операция барысында Таяу Шығыс елдеріне әскери авиациялық техниканы заңсыз жеткізу арнасының жолын кесті. Тергеу іс-шаралары барысында жөнелтуге дайындалған жинақтау блоктары бар әскери бұйымды алу жүргізілді.
“Алынған мәліметтер бойынша, құрамында ҚР азаматтары бар қылмыстық топ, бірқатар шет мемлекеттердің әскери әуе кемелеріне орнатылған авиациялық жабдықтарды, елден заңсыз алып өтпек болған. Заңсыз мәміле сомасы 122 мыңнан астам АҚШ долларын құрады”,-деп хабарлады ҚР ҰҚК баспасөз қызметі.
Осы қызметке қатысы бар тұлғалар ұсталды. Алматы соты оларға қатысты Алматы бойынша ҰҚК департаментінің тергеу изоляторына қамауға алу санкциясын берді.
Қазақстан Қылмыстық Кодексінің 286-бабының 2-бөлігі бойынша қылмыстық іс қозғалды (айналыстан алынған заттардың немесе айналысы шектелген заттардың контрабандасы).
Сулет: newtimes.kz
