Солтүстік Қазақстан облысы бойынша Ұлттық қауіпсіздік комитетінің департаменті өткізу мақсатында аса ірі көлемде заңсыз есірткі сақтаған Қазақстан Республикасының азаматы Досмұхамедовтың құқыққа қарсы әрекетін анықтады, деп хабарлайды ҰҚК баспасөз қызметі.
Департамент өткен жылдың тамыз айында Досмұхамедов Ресей Федерациясына героин партиясын контрабандалық жолмен өткізбек екендігі туралы ақпарат алды.
Жедел-іздестіру іс-шараларының нәтижесінде Досмұхамедов Петропавлдан шыққан кезде ұсталды. Оның машинасын тексерген кезде 3 килограмм 100 грамм героин тәркіленді.
Солтүстік Қазақстан облысының қылмыстық істер жөніндегі мамандандырылған ауданаралық соты Досмұхамедовты Қазақстан Республикасы Қылмыстық кодексінің 297-бабының 3-бөлігі бойынша кінәлі деп танып, қатаң режимдегі түзеу колониясында жазасын өтеумен он жылға бас бостандығынан айырды.
Сурет: РИА
