Қазақстан Республикасында тұрғын үй бағасы өскеннен кейін бағалық сөз байласу бөлігінде жылжымайтын мүлік нарығына талдау жүргізіледі. Бәсекелестікті қорғау және дамыту агенттігінің басшысы Серік Жұманғариннің мәліметінше, елімізде өткен жылдың қыркүйек айынан бастап биылғы жылдың қаңтар айына дейінгі кезеңде алғашқы тұрғын үй бес пайызға қымбаттады. Бұл туралы “Спутник Казахстан”жаңалықтар ресурсы хабарлайды.
“Бастапқы тұрғын үй құнының өсу жағдайларын зерттеу және бағалық сөз байласудың ықтимал белгілерін анықтау үшін агенттік нарыққа қатысушыларға сұрау жіберді. Заңнамаға сәйкес, мұндай белгілер анықталған жағдайда ден қою шаралары қабылданады, оның ішінде хабарламалар жіберіледі, ал олар бір ай мерзімде орындалмаған жағдайда тергеулер тағайындалады”, – деді Жұманғарин.
Оның айтуынша, тұрғын үй бағасын бақылау үшін жылжымайтын мүлік нарығын бағалық сөз байласуға талдау жасау мүмкін емес.
Ақпан айының басында Мәжіліс депутаттары ипотекалық мемлекеттік бағдарламалар бойынша тұрғын үйдің шекті бағасын белгілеу туралы ұсыныс енгізді. Мәжілісмен Аманжан Жамаловтың пікірінше, ипотеканы мемлекеттік субсидиялаудың ұлғаюына қарай тұрғын үй бағасы да көтеріледі.
Бұған дейін агенттік басшысы республикада қайталама тұрғын үй бағасы 5 айда 12,5 пайызға өскенін атап өтті.
Осы жылдың басынан бастап Қазақстан азаматтарына өздерінің тұрғын үй жағдайларын жақсарту және емделу үшін зейнетақы жинақтарын мерзімінен бұрын алуға рұқсат етілді. Құрылыс нарығы тұрғын үй бағасының өсуіне бірден жауап берді. Республика Президенті осы бағаларды ұстап тұру тетігін әзірлеуді тапсырды.
Сурет: sputnik.kz
