Павлодар облысы Денсаулық сақтау басқармасының баспасөз хатшысы Эльмира Темірғалиева Жаңа жыл түні өңір тұрғындары медициналық мекемелерге қандай жарақаттармен жүгінгенін хабарлады.
Оның айтуынша, сағат он екіден кейін Розовка ауылының 64 жастағы тұрғынының бетіне мерекелік отшашу ұшқындары түсіп, нәтижесінде әйелдің оң көзі контузия және жеңіл дәрежелі термиялық күйік алды. Қазіргі уақытта ол ауруханада жатыр. Әйелдің денсаулық жағдайын медицина қызметкерлері тұрақты деп бағалайды.
Сонымен қатар, 31 желтоқсан күні медициналық мекемеге 25 жастағы Павлодар тұрғыны бірінші дәрежеде екі табаны үсіп, жалпы тоңазу және орташа дәрежедегі алкогольдік мас күйінде түскен.
Осы күні Екібастұздың 58 жастағы тұрғыны мас күйінде ауруханаға жатқызылды. Дәрігерлер оған сол және оң қолдың саусақтарының үсуі, сондай-ақ жалпы гипотермияны диагноз қойды.
Жаңа жылға дейін, бірнеше күн бұрын ІІМ әкімшілік полиция комитеті басқармасы бастығының орынбасары Асылбек Идирисов республика азаматтарын өз қауіпсіздігі мақсатында отшашуларды пайдалану ережелерін сақтауға шақырған.
