Ресей медиа индустриясы академиясы баспасөз және бұқаралық коммуникациялар федералды агенттігінің қолдауымен “пандемиядан кейінгі медиа”тақырыбында халықаралық дөңгелек үстел ұйымдастырды.
Онлайн-кездесуге қатысушылар әлемде коронавирустық инфекция індеті өршіп, экономикалық құлдырау орын алған жағдайда бұқаралық ақпарат құралдарының маңыздылығын, ықпалын, бәсекеге қабілеттілігін және даму мүмкіндіктерін талқылады.
Қатысушылар алдында сөйлеген осы агенттік басшысының орынбасары Илья Лазарев COVID-19 пандемиясы БАҚ қызметіне басқа көзқараспен қарауға мүмкіндік бергенін және мұндай жағдайда медианы ұйымдастырудың жаңа тәсілдерін жасау қажет екенін айтты.
Қазақстан ақпарат министрлігі басшысының орынбасары Кемелбек Ойшыбаев кездесу барысында республикамызда коммуникацияларды қалыптастыру процесі қалай жүріп жатқанын айтты. Атап айтқанда, кәсіби ведомстволардың өкілдері қатысатын түрлі баспасөз конференциялары өтетін коммуникациялық орталық туралы әңгіме болды.
Қатысушылар фейктерге қарсы тұруға ерекше назар аударды. Осылайша, “Хабар” АҚ Басқарма төрағасы Ерлан Бекхожин қазіргі уақытта медиа кеңістікке жалған және арандатушылық ақпараттың көп төгілуі байқалатынын атап өтті. Сондықтан, ол айтқандай, ел тұрғындары дәстүрлі БАҚ-қа көбірек сене бастады. Бұған карантин режимі де ықпал етті.
Іс-шараны қорытындылай келе, экономика Жоғары мектебінің коммуникация, медиа және дизайн факультетінің деканы Андрей Быстрицкий кездесуге қатысушылардың көзқарастарындағы айырмашылықтарды атап өтті.
“Олар тым күшті емес, бірақ пандемияның медиаландшафтта түбегейлі өзгерістер әкелуімен байланысты. Дөңгелек үстелдің атауы қазіргі жағдайды толық көрсетпеуі мүмкін. Өйткені пандемия әлі аяқталған жоқ. Бізді не күтіп тұрғаны әлі белгісіз”, – деді ол.
Сурет: torez24.ru
