Бүгін «Шығысмұнай және сервистік қызмет көрсету» ЖШС-нің бұрынғы бас директоры Чжан Личуняға еңбек заңнамасын бұзу фактісі бойынша Қазақстан тумасы Бауыржан Юнусов шағымданғаны белгілі болды.
Бауыржан Юнусов 1984 жылдан бері бұрғылау жұмыстарымен айналысатынын, ал 2018 жылдың жазында Көкжиде кен орнында технологиялық инженер болып жұмыс істегенін айтты. 20 маусымда брагиданы бір ұңғымадан екіншісіне тасымалдау кезінде, Юнусов омыртқа жарақатын алды. Бұдан кейін дәрігерлер оның омыртқасында жарық бар екенін анықтады.
«Дереу дәрігерлерге жүгіндім,олар сол күнге дейін жүргеніме таң қалды. Маған тез арада ота жасауға бару керек болды, әйтпесе мен аяғымнан жүре алмай қалатынымды түсіндірді.Маған «Остеопороз фонында жұлын функциясының бұзылуынсыз 2-3 дәрежелі омыртқа денелерінің компрессиялық бүгу сынығы» деген диагноз қойды. Операцияны компания төледі», — деді Бауыржан Юнусов.
Осы оқиға бойынша тергеу жұмыстары жүргізілді. Комиссия актісі болған оқиғаға жұмыс беруші толық кінәлі екенін бекітті. Операциядан кейін ер адамға үшінші мүгедектік тобы берілді.
Бауыржан компания операцияға ақы төлегенін айтты, бірақ оңалту кезеңін төлемеді. Ал қыркүйек айында Чжан Лихун Юнусовты жұмыстан босатты.
«Осы күннен бастап аурухана парағы бойынша төлемдер тоқтатылды. Емдеу үшін барлық шығындарды өзіме төлеуге тура келді. Зейнеткерлікке шығуға бес жыл бар. Бұл жаста жұмысқа орналасу-іс жүзінде орындалмайтын міндет. Сонымен қатар мен отбасымда жалғыз асыраушымын», – деді Бауыржан Юнусов.
Жұмыс істеп жүргенде 200 мың теңге шамасында жалақы алған, қазір сақтандыру төлемдері және мүгедектігі бойынша жәрдемақымен өмір сүреді. Айта кетейік, ер адамның әйелі мен 20 жасар қызы бар.
«Мұндай жағдайда «Шығысмұнай және СО» ЖШС іс жүзінде бір отбасын өмір сүруге қаражатсыз қалдырды. Оңалту қанша уақытқа созылатынын дәрігерлер айта алмайды. Нәтижесінде менің жүйке аурауына шалдығып, дәрігер-психолог маған «астено-субдепрессивті синдром» деген диагноз қойды», – дейді Юнусов.
Ер адам адвокат тауып, сотта өз құқығын қорғады. Сот жұмыстан босату туралы бұйрықты жойды, бірақ Юнусов әлі күнге дейін жұмысқа кіріскен жоқ.
«Мен бұрғылау компаниясының шетелдік басшылығы Қазақстан заңнамасын сақтамайтына наразымын. Мен жұмыста мүгедек болдым, демалыс, жалақы немесе қалпына келтіру, т.б. заң бойынша маған тиесілі кез-келген құқықтарды сот арқылы шешуге тура келеді. Сот шешімі бойынша мені жарақаттанғаннан кейін жұмысқа қабылдады, содан кейін қайтадан жұмыстан босатты», – деді Юнусов.
Кейін сот процесіне 20 мамырдағы Қытай азаматы Чжан Ли Чунь осылай келмегені белгілі болды, ал «Шығысмұнай және СО» ЖШС-не жаңа бас директор Чжан Баоцзюнь келді.
«Мен Чжан Ли Чунді Интерполарқылы іздестіруді талап ететін боламын. Мен ештеңеге қол жеткізбесем де,біздің елде жұмыс істеп жатқан шетелдіктер Қазақстан заңдары мен азаматтарын құрметтей бастайтын болады», – деп қортындылады Юнусов.
Сурет: teknoblok.ru
