Ресей Федерациясының астанасында amakids WORLD CUP 2020 менталдық арифметика бойынша халықаралық олимпиада өтті. Бұл туралы Ресейдегі Қазақстан елшілігінің өкілдері мәлімдеді.
Ментальды арифметика — баланы күрделі арифметикалық мысалдарды тез және оңай шешуге үйрететін балалар ойлауын дамыту жүйесі.
Қазақстан Республикасының елшілігінде атап өткендей, халықаралық іс-шараға 22 елден бір жарым мыңнан астам бала жиналды және менталдық есеп әуесқойлары халықаралық қауымдастығы арасындағы байланыстарды нығайту мақсатында өткізілді.
Халықаралық олимпиада қатысушыларының алдында сөз сөйлеген AMAKids интеллект дамыту академиясының негізін қалаушы Владимир Федяй менталдық арифметиканың арқасында қазіргі әлемде барлық қызмет саласында көшбасшы болуға болатынын айтты.
Бауырлас мемлекеттегі Қазақстан елшілігінің өкілдері біздің еліміздің вундеркиндтері Еуропа мен Тәуелсіз Мемлекеттер Достастығының аумағындағы менталдық арифметика бойынша тарихтағы ең ірі Олимпиадада Қазақстан Республикасын лайықты танытқанын атап өтті.
Сурет: kazembassy.com
