Қазақстан Ұлттық экономика министрі Руслан Дәленов еліміздің авиациялық бизнесіне қандай қолдау көрсетілетінін айтты. Бұл туралы forbes.kz ақпарат агенттігі хабарлайды.
Дәленовтің айтуынша, биылғы жылдың соңына дейін Қазақстанда әуе кемелері қосалқы бөлшектер импорты қосылған құн салығынан босатылатын болады. Бұл отандық авиакомпаниялар ұшақтарының ұшу жағдайын қолдау үшін жасалады.
Сондай-ақ, ағымдағы жылдың соңына дейін қазақстандық әуежайлар жер салығынан және оны пайдаланғаны үшін төлемнен босатылады.
2020 жылдың соңына дейін техникалық қызмет көрсету және авиация саласындағы басқа да қызметтер біздің республикамызда резидент емес үшін қосылған құн салығынан босатылады.
Мұндай қолдау шаралары Қазақстанда әрекет еткен төтенше жағдай режимінен едәуір зардап шеккен авиациялық бизнеске көмек ретінде көрсетіледі.
Бұрынырақ , Қазақстан Үкіметі Қазақстан Республикасының экономикалық өсуін қалпына келтіруге бағытталған кешенді жоспар қабылдағаны хабарланған.
Сурет: shen.ua
