«Ұлттық ақпараттық технологиялар» АҚ қызметкерлері mGov сайтында 12 қосымша қызмет іске қосылғанын айтты.
Енді неке қию, әке болуды анықтау, атын, тегін, әкесінің атын өзгерту, некені бұзу туралы қайтадан куәлік алуға болады. Сонымен қатар, тұрғылықты жері бойынша тіркелу, жүргізуші куәлігін, мекенжай бойынша тіркелген адамдар туралы мекенжай анықтамасын алу (тек Android үшін) және ҚР Бас прокуратурасының Құқықтық статистика және арнайы есепке алу жөніндегі комитетінің тұлғаның әкімшілік құқық бұзушылық жасағаны туралы есебі бойынша мәліметтерді алу (тек Android үшін) мүмкіндігі бар. Сондай-ақ «е-Биржалар» қызметі (электрондық еңбек биржасы) қолжетімді.
Жоғарыда көрсетілген қызметтерді ЭЦҚ қол қою арқылы (электрондық цифрлық қолтаңба) немесе бір реттік SMS-пароль арқылы алуға болады (ол үшін мобильдік азаматтар базасында міндетті түрде тіркелу қажет)
«Электрондық үкімет» мобильдік қосымшасын пайдаланып жүрген азаматтарға жоғарыда көрсетілген қызметтерді алу үшін mGov-ты жаңарту жеткілікті.
Порталдың мобильдік қосымшасы арқылы eGov.kz-те қазірдің өзінде 62 мемлекеттік қызмет пен сервис қолжетімді.
Сулет: tengrinews.kz
