Осы жылдың 1 қазанынан бастап біздің республикамыздың Ұлттық Банкі қаржылық қызметтер үшін биометрия жүйесін іске қосады. Бұл туралы қаржы реттеушісінің баспасөз қызметі хабарлады.
Осы жаңалықтың арқасында қазақстандықтарға қандай да бір қызметті алу үшін қаржы ұйымына барудың қажеті болмайды, өйткені олар оны бетті тану технологиясы арқылы жасай алады.
Ұлттық Банкте азаматтар қашықтан биометриялық сәйкестендіру арқылы банкте шот ашып, төлем картасын алып, несиені рәсімдей алатынын нақтылап айтты.
Бұл жаңалыққа қатысты еліміздің Ұлттық Банкі төрағасының орынбасары Есжан Біртанов өз пікірін білдірді. Ол коронавирустың таралуы жағдайында, оны жұқтыру қаупін азайтатындықтан, Қазақстанда биометрия жүйесін енгізу дұрыс және қисынды шешім болып табылады деп мәлімдеді.
Сондай-ақ, ол қаржы қауымдастығының жаңа сервисті пайдалануы азаматтарға қашық форматында ұсынылатын қызметтер тізімін кеңейтетінін атап өтті.
Қаржы реттеушісінің мамандары биометрия жүйесі отандық банктерге, сақтандыру компанияларына, төлем және микроқаржы ұйымдарына, сондай-ақ бағалы қағаздар нарығына қатысушыларға қолжетімді болатынын атап өтті.
Сурет: rg.ru
