Статистика бойынша ресейлік білім беру, қазақстандыққа қарағанда, оңай жұмысқа орналасуға мүмкіндік береді. Мәселен, Қазақстанда мамандық бойынша түлектердің тек 40%-ы, ал Ресейде — 60%-ы жұмыс істейді. Сандар өздері туралы айтады.
Сол себепті көптеген қазақстандықтар ресейлік университеттерге оқуға түседі. Бұл түсінікті де, өйткені статистикалық деректер көрсеткендей, отандық жоғары оқу орындары түлектерінің 50%-ы жұмыс таба алмайды. Еліміздің кейбір аймақтарында бұл көрсеткіш 80%-ға жетеді. Ал, Ресейдің бізге көрші қалаларында жұмысқа орналасу мәселесін шешу әлдеқайда жеңіл, бұл, өз кезегінде, азаматтық алуға ынталандыру болып табылады.
Егер дәрігер сияқты сұранысқа ие мамандық бойынша жұмысқа орналасу статистикасын салыстырсақ, айырмашылық тіпті де айқын болады. Қазақстанда медицина факультеттерінің түлектері жылына 44% жұмыс табады. Ал көрші Ресейде медицина факультеттерін бітірушілерге деген сұраныс 80%-дан асады.
Қорытындысы айқын: қазақстандық білім беру жүйесі білікті кадрлар шығара алмайды. Егер Қазақстанда кез-келген маманның дипломын, сабақтар мүлдем қатыспай-ақ алуға болады деп айтсам, құпияны ашқаным емес, ақша болса болды. Негізгі проблема осы болып отыр. Ресей Қазақстанды қолдап, біздің азаматтарымызға лайықты білім алуға мүмкіндік беріп отыр.
Көптеген жастардың, іс жүзінде, оқуға Ресейге баратынында тұрған ештеңе жоқ. Керісінше, кейде бұл өте жақсы білім алудың және жұмысқа орналасудың жалғыз мүмкіндігі. Білім алған қазақстандықтар қайтып оралып, ел ішінде жұмыс істеуі үшін Үкімет өз өндірісін жаңғырту және білім беру жүйесін жақсарту проблемасына қам жасауы керек. Бұдан басқа, Еуразиялық экономикалық одақ және ортақ нарық шеңберінде қазақстандық студенттерді Ресейде оқыту және жұмысқа орналастыру да бәрімізге тиімді болады.
Мақсат Нұрғалиев, саясаттанушы, арнайы «Эхо Казахстана» үшін
