Ресей заң шығарушылары біздің елдің азаматтарына Ресей азаматтығын алу рәсімін жеңілдетуді жоспарлап отыр. Бұл туралы ТМД істері, еуразиялық интеграция және отандастармен байланыс жөніндегі Мемлекеттік Дума комитетінің жетекшісі Леонид Калашников толығырақ айтты.
Қазір Ресей парламенті қазақстандықтар мен тағы да бірқатар елдердің азаматтарына РФ төлқұжатын алуды жеңілдетуге бағытталған заң жобасын қарастыруда.
Леонид Калашниковтың айтуынша, бұл заң жобасына сәйкес, Ресей азаматтығын алу үшін Ресейде бес жыл өмір сүрудің және материалдық жағдайын дәлелдеудің қажеті жоқ.
Сонымен қатар, бұл заң жобасында Ресей төлқұжатын жеңілдетілген түрде алуға болатын норма болады. Оған сәйкес ресейлік азаматпен, қазіргідей үш емес, бір жыл ғана тұрып төлқұжат алуға болады.
Леонид Калашников бүгінгі таңда шетелдіктер Ресей Федерациясының аумағында кемінде бес жыл тұрғаннан кейін ғана Ресей азаматтығына үміткер бола алатынын атап өтті.
Сурет: strana.ua
