Еңбек министрлігі басшысының орынбасары Нариман Мұқышев республиканың барлық жеңілдік алатын азаматтардына жәрдемақылар мен әлеуметтік төлемдер алу үшін әлеуметтік ID-карталар берілетінін айтты. Бұл туралы ҚР Еңбек және халықты әлеуметтік қорғау министрлігінің баспасөз қызметі хабарлады.
Осы карточкаға жәрдемақы мен төлемдер түсетін болады. Оның көмегімен қоғамдық көлікте жол жүру ақысын төлеуге, белгілі бір дәрілік препараттарды тегін алуға болады.
Сонымен қатар, мұндай әлеуметтік карта атаулы әлеуметтік көмек алатын отбасылардың балаларына оқу мекемесінен тегін ыстық тамақ алуға мүмкіндік береді.
Бұл жоба алғаш рет Ақтөбеде әкімдік пен Қазпоштаның жергілікті бөлімшесінің қатысуымен іске қосылды. Қазір 84 мыңға жуық карта шығарылып, 62 мың транзакция жүзеге асырылды.
Мұндай карталарды Нұр-Сұлтан, Алматы, Шымкент, Қарағанды, Қызылорда, Павлодар, Маңғыстау, Атырау, Ақтөбе, Алматы облыстары мен Солтүстік Қазақстанда пайдалана бастады.
Осы жылдың соңына дейін мұндай карта республиканың барлық аймақтарында пайдаланылып, 2023 жылға дейін оны Қазақстанның барлық азаматтары қолданады деп жоспарлануда.
Сурет: ru.sputniknews.kz
