Қазақстан, Қырғызстан және Тәжікстан талапкерлеріне арнап өткізілген онлайн-таныстырылым барысында Ресейдің жетекші «атом» университеттері туралы мәлімет айтылып, оларға қалай оқуға түсуге болатыны түсіндірілді, деп хабарлайды Нұр-Сұлтандағы Ресей Ғылым және мәдениет орталығының баспасөз қызметі.
Бұл тұсаукесердің ерекшелігі — оған Ресей университеттерінің Болашақ түлектерін жұмысқа қабылдауға мүдделі әлеуетті жұмыс берушілердің қатысуы. Оған қазақстандық «Қазатомөнеркәсіп» ұлттық компаниясы, сондай-ақ Қырғызстан Төтенше жағдайлар министрлігінің құрылымдары мен Тәжікстан Ғылым Академиясы жатады.
Бейнеконференция барысында талапкерлерді Ресейдің «МИФИ» ұлттық зерттеу ядролық университеті, Мәскеу физика-техникалық институты, Мәскеу энергетикалық институты, Орал федералдық, Санкт-Петербург және Томск политехникалық университеттерімен таныстырды.
Сондай-ақ, онлайн-шараға «Росатом» ресейлік мемлекеттік корпорациясының білім беру бағдарламаларының директоры Валерий Карезин қатысты. Өз сөзінде ол талапкерлерге биылғы жылы өзінің 75 жылдығын атап өтетін «Росатом» тарихы туралы айтты. Сонымен қатар, ол бүгінгі таңда 1800-ден астам студент Ресейдің әртүрлі университеттерінде атомдық физика мамандығын алып жатқанын айтты.
Тұсаукесер Қазақстандағы Ресей ынтымақтастығы өкілдігі «Қазатомөнеркәсіп» және «Росатомның» қолдауымен ұйымдастырды.
