Бүгін мәжілісмендер екінші оқылымда заң жобасын мақұлдады, оған сәйкес біздің республикамызда сыбайлас жемқорлыққа қарсы қызмет пен ішкі істер органдарының қызметкерлері арандатушылық үшін бас бостандығынан айырылады, деп хабарлайды tengrinews.kz жаңалықтар ресурсы.
Кейбір қазақстандық заңнамалық актілерде сыбайлас жемқорлыққа қарсы іс-қимыл мәселелері бойынша арандатушылық үшін жауапкершілік енгізу көзделген.
Мақұлданған заң жобасына қатысты Мәжіліс депутаты Мұхтар Ерман өз ойын білдірді. Ол осы заң жобасының нормаларын парламентшілер ағымдағы жылдың 29 сәуірінде бірінші оқылымда қарастырғанын еске салды.
Сонымен қатар, мәжілісмен сыбайлас жемқорлыққа қарсы агенттік пен құқық қорғау органдарының қызметкерлерін арандату үшін түрмеге отырғызуды депутаттар Президент Қасым-Жомарт Тоқаевтың халыққа Жолдауында айтылған тапсырмасын орындау аясында ұсынғанын атап өтті.
“Осыған байланысты Қазақстан Қылмыстық кодексінің 412-бабына сәйкес қылмыс жасалған жағдайда бас бостандығынан айыру түрінде жауапкершілік белгіленетін болады”, – деп толықтырды Мұхтар Ерман.
Бұған дейін қазақстандық жемқорлыққа қарсы ведомство басшысының орынбасары Олжас Бектенов сыбайлас жемқорлыққа қарсы ведомоство парламентшілердің арандатушылық үшін жауапкершілікті күшейту ұсынысын қолдайтынын айтты.
Сурет: politikus.ru
