Жақын арада қазақстандық студенттер Ресей Федерациясының астанасынан Отанына оралады. Бұл туралы бауырлас елдегі Қазақстан елшілігінің баспасөз қызметі хабарлады.
Елшіліктің мәліметінше, бүгін Мәскеу қаласынан Ресей астанасы мен Санкт-Петербургтің жоғары оқу орындарында білім алып жатқан 250 қазақстандық студенттер 5 автобуспен Мәскеуден шықты.
Студенттердің Отанына оралуы эпидемиялық жағдайға және Ресей жоғары оқу орындарының қашықтықтан оқытуға көшуіне байланысты.
Елшілікте айтқандай Автобусқа отырар алдында, дәрігерлер барлық қазақстандық студенттерді тексеріп, олардың температурасын екі рет өлшеді.
Автобустарды ішкі істер органдарының және Қазақстанның Ресейдегі елшілігінің қызметкерлері алып жүреді. Екі бауырлас мемлекеттің шекарасын, Орск және Әлімбет өткізу пункттерінен өткен соң, студенттерді Ақтөбе облысы әкімдігінің өкілдері қарсы алады.
Шекарада студенттер COVID-19 тест тапсырады. Егер нәтиже теріс болса, онда балалар тұратын жерлеріне жеткізіліп, екі аптаға оқшауланады.
Қазақстан елшілігі Ресей астанасынан қазақстандық студенттермен келген алғашқы автобус рейсі екенін атап өтті.
Сурет: kazembassy.ru
