Қазақстан Республикасының әскери қызметшілері 21-26 қыркүйек аралығында “Кавказ-2020” Стратегиялық командалық-штабтық оқу-жаттығуларына байқаушылар рөлінде қатысатын болады. Бұл туралы РИА Новости Ресей Федерациясының Қорғаныс министрлігіне сілтеме жасап хабарлайды.
Оқу-жаттығуға Армения, Беларусь Республикасы, Қытай, Мьянма, Пәкістан және Иран әскери күштері қатысады. Тағы 6 мемлекеттің өкілдерін бақылаушы ретінде шақырды. Бұл Әзірбайжан, Индонезия, Иран, Қазақстан, Тәжікстан және Шри-Ланка әскери күштері.
Оқу-жаттығулар Каспий және Қара теңіздердің акваториясында өткізілетін болады. Бұдан басқа, олар “Прудбой”, “Ашулук”, “Капустин Яр”, “Арзгирский” және “Копанский”полигондарында өтеді. Жалпы алғанда, оқу-жаттығуларға бір мыңға жуық әскери адам жұмылдырылады. Маневрлерді екі кезеңде өткізу жоспарлануда.
Әскерлердің құрлық топтарының, авиация және әуе шабуылына қарсы қорғаныс топтарының, Қара теңіз флоты күштерінің, Каспий флотилиясының іс-қимылдарының ұтыс ойындары күшті атыс соққысын жасау және қарсы тұрған шартты жауды жеңу үшін шабуылдау әрекеттерін жүргізу кезінде өткізіледі.
Оқу-жаттығу шеңберінде әскери қызметшілер Ресейдің оңтүстік-батысында әскери қауіпсіздікті қамтамасыз ету үшін елдер коалициясы әскерлерінің топтарын қолдану мәселелерін пысықтайды.
Сурет: ru.sputniknews.kz
